ЧУВ̃ТУМИЦ̃А САМУРАЙ
Хатано Нобуо л̃ис̃с̃ кшит̃ейиц̃ан̃ кудузъ ейсте дъ варштас̃ ул̃ц̃а. Ул̃н̃ес̃ икел̃ц̃е валске, дъ ул̃ц̃а тагъ ез̃ кен̃ер̃е пяшкед̃емс с̃ормав̃ ошън̃ ел̃иц̃ат̃н̃ен̃ пурнав̃кссънзъ.
Ан̃с̃ак синст ейсте ала́мот ел̃азкал̃ит̃ т̃евтненекест, пел̃кснек варштадъ самурайън̃, кир̃д̃иц̃а керш кяд̃се кувака торо тати.
Торо Нобуо рамас̃ вана ан̃с̃ак, дъ хуш ез̃ ул̃е кав̃толдъман̃ кяд̃йо́нксън̃ паро качествосъзъ дъ кшит̃ейит̃ан̃ валтнесезе, азъз̃ ку́раксла́нгаксън̃ ванъмадъзъ с̃алдъв̃т̃ кулумав̃ зи́йант̃е́йиц̃атнен̃, пукштур кър̃вяз̃ес̃ ис̃е варчамс торо.
Сон̃ яряв̃с̃ муйемс с̃ен̃ кисе паро кан̃д̃идатуран̃. Асо́давиксен̃. Кийе-бут̃и кажов̃т ломан̃сте.
Дъ нат̃, ис̃т̃амо ломан̃ен̃ Нобуо ул̃и муйез̃.
***
Кор̃т̃н̃ит̃, къл̃а о́днешка́съ дъ по́кши́йет̃н̃есе Оис̃и ул̃н̃ес̃ с̃иноби – с̃ивед̃ев̃т̃ кулув̃тиц̃а дъ салйутиц̃а, сайед̃е с̃е профес̃с̃ийа т̃ет̃адъ дъ бод̃адъ. Мекев̃ с̃и́р̃ечи́в̃ сон т̃ейз̃ев̃с̃ с̃ед̃е с̃ет̃ме важод̃емя, т̃ейед̃е ошън̃ ломан̃т̃н̃ен̃т̃е ав̃ъл̃ яйкет̃ л̃езев̃ вештят̃ – пел̃емяв̃т̃еме дъ ав̃ъл̃ пек. Яйке син̃сте сон ул̃и н̃ей путъз̃ Иейасун̃ икел̃е – лит̃иц̃а мийекшн̃иц̃а Нан̃ивастъ.
– Торъда вештя, мон мер̃ев̃ан кортамс, – шнас̃ Оис̃и ис̃ен̃ мийемяпял̃. – Астака дъ кеме. Тин̃кс мийекшн̃иц̃акс с̃ед̃е паро ул̃и стака ар̃с̃емс.
– Ис̃т̃а, ис̃т̃а, – л̃екс̃т̃адъ, пйäсъ рамиц̃а авол̃аз̃ев̃с̃. Сон содас̃ ис̃ен̃ йорокон̃ тув̃талс, къл̃а ав̃ ул̃е ел̃ама с̃е масторлангосъ вяжт̃ ломан̃ен̃т̃е ав̃ зи́йант̃е́йиц̃анкса ав̃ содавикс самурайънкса. – Къда варчин̃д̃ер̃ав̃л̃ин̃ кода важод̃и… – Шожъда кав̃толдъманек вайгел̃се азс̃ Иейасу. Мекев̃ ис̃ен̃ потмосъ ул̃и н̃и вид̃есте ар̃с̃е рамамс пйев̃ей маштиц̃ан̃ т̃ейев̃ксезе.
***
Нобуо лоткав̃тс̃ ванов̃кс ломан̃се кажов̃ вар̃ийав̃т̃ оршав̃тсъ, понав̃т̃ куймен̃ек куттасъ. Нат̃, вяжт̃ мийекшниц̃а. Лад̃и!
Апак капшадъ, жертван̃ икел̃ев̃ апак тандав̃тъмга, самурай съргас̃ каршо.
Мийекшн̃иц̃ан̃ с̃уксъсънзъ ул̃н̃ес̃ тонгъв̃т̃ нур̃ка торо вакидзас̃и – ан̃с̃ак ис̃т̃ат ул̃н̃ес̃ мер̃ев̃т̃ кан̃д̃т̃н̃емсалкин̃е сословийан̃ ломан̃т̃н̃ен̃т̃ензе ис̃ен̃ ид̃емян̃т̃е.
С̃е ез̃ абунгав̃тъ Нобуо: кодамо важов̃ ломан̃ ул̃и фехтовиц̃а! Сон дъ р̃е́вел̃е́в̃ксен̃ кер̃амс ав̃ маштъ!
Мийекшниц̃а мар̃ас̃ кяж пек шкастъберян̃сте. Сон сорк т̃ейс̃ дъ потаз̃ев̃с̃, путъдъ комор вакидзас̃ин̃ н̃ед̃сензе.
Дъ Нобуо ар̃с̃ас̃, къла шка сас̃. Багордадъ торойудмастъ тат̃изе, сон азс̃ дока пижн̃емя дъ кир̃н̃ав̃тс̃ кайав̃ъмас. Сон̃ ул̃н̃ес̃ с̃енте мер̃емя. Дъ кийейак ав̃ъл̃ с̃алдин̃д̃ер̃а содавикс пукштурън̃, варчаз̃ йутиц̃асъ ан̃с̃ак рамав̃т̃ торон̃ пешт̃ичизе.
***
Къв̃чк, гайгиц̃а з̃ер̃т̃, кибедя качамо…
Нобуо лоткатс̃ колмо ескел̃кст т̃ешкстав̃т̃ жертва йондъ.
Яряс̃, апак кав̃толдъ, с̃е ул̃н̃ес̃ калкс!
Ан̃с̃ак ков̃гак амаштъв̃икс т̃ев!
Ков̃ кевер̃и мастор, къда сонсъ л̃ис̃и ис̃т̃амо!
Л̃ед̃емс самурайъс пистол̃етсте, кекшев̃т̃ торокс!.. Кяжигав̃тъз̃!
Мекев̃ ез̃ ул̃е мез̃е-мез̃е т̃ейемс, дъ пукштурт с̃авор̃с̃ чама алъв̃ куйяв̃ ул̃цан̃ чал̃гос – курукстъ сон̃ торъда тат̃ин̃ мял̃га, праз̃ суртнесте.
***
Иейасу ванс̃ йутаз̃ сон̃ йалготнен̃ икел̃е рунгув̃ пит̃н̃едя мази кимоносъ дъ варштас̃ ул̃ц̃атъв̃. Порохън̃ качамо солас̃ коштсъ, дъ с̃ел̃мян̃яйиц̃ат – тяйят чи́р̃у́л̃ц̃атнесе.
Иейасу кекшн̃ес̃ пистол̃етен̃ дулузъ, полав̃тиц̃а оржа ку́раксла́нгакс.
– Ванък, л̃ис̃с̃! – сет̃месте кортас̃ сон, н̃ел̃еде стакастъ с̃ел̃ге.
Дъ, пурдав̃ъдъ, ескел̃аз̃ев̃с̃ вадъ – ис̃т̃ага сет̃месте, йалгосур лангсъ, прок пел̃еде мен̃с̃т̃емс чув̃тумиц̃а чал̃госъ самурайън̃.